PAGGUHIT NANG NAKADILAT SA DILIM: Lynyrd Paras

Tagaktak ang pawis

Na tilang pinturang dugo

Sa mukha.

Kung hindi nagdidilim,

Nagniningas naman

Ang paningin.

Kamatayan,

Kailan mo ba ako

Sisingilin?

Naidantay na

Sa mahiwagang puno

Ang mga sandata.

Nakabigti na rin

Ang putol na lubid

Sa sanga.

Mag-guguhit ako

Nang nakadilat

Sa dilim

Habang kumakawala

Ang mga alitaptap

Sa kawalan.

Ikukumpisal ko

Sa balon

Ang mga kasalanan

Ngunit kailanman

Hindi na babanggitin

Ang iyong pangalan.

Bahala na ang uwak

Na dagitin

Ang kaibuturan.

Carlomar Arcangel Daoana